“Nenos, nenas…XOGADE!” Cantas veces temos escoitado esa frase, ou algo similar, na nosa infancia. O deporte é algo fundamental na nosa vida, nos acompaña dende cativos que é cando estamos máis activos e sempre vai ligado a nós como un método san e beneficioso pra a nosa saúde, autoestima, desenrolo social,… Na escola foméntano en forma de asinatura, Educación Física, no cal nos instrúen na práctica de diversas disciplinas (fútbol, baloncesto, vollei, bádminton,…).
Nestes tempos que nos toca vivir, todo semella que é ao contrario; unha nova medida tomada pola Xunta, gobernada por un PP tiránico e incompetente, obriga á paralización de toda actividade futbolística das categorías base (adestramentos e competicións dende cadetes ata prebenxamíns). A razón é a prórroga do seguro médico deportivo do PROGRAMA XOGADE (Xogos Galegos Deportivos en Idade Escolar), impedindo a práctica do fútbol ao arriscar aos clubs a correr eles cos altos gastos médicos dos seus xogadores no caso de se mancar. O devandito programa naceu pra apoiar aos equipos en categorías base de distintas modalidades deportivas pra cubrir o pago da mutualidade, o que supón un alivio pra a economía de moitos clubs; sempre houbo a ameaza durante varias tempadas de que esta axuda desaparecería, e semella que desta vez cumpriuse. Analizando a situación, as consecuencias directas, serían as seguintes: os xogadores con ficha en vigor do ano anterior teñen a asistencia médica cuberta ata decembro, ao estar contratado un ano natural grazas á tempada pasada, o problema radica nos novos xogadores, eles son quenes non terían ningún dereito ao retirárselle automáticamente o seguro.
Esta decisión afectará a milleiros e milleiros de menores galegos que comezaban con toda a ilusión do mundo esta tempada, e que de noite pra mañá poderían verse sen equipo, e o máis preocupante, os gastos dos pais e nais e principalmente dos equipos que xa están realizados.
A Xunta de Galicia a través da Secretaría Xeral para o Deporte, sendo cómplice das prácticas recortantes provintes de Madrid, non está apoiando á realización do deporte en xeral a todos os niveis, menosprezando disciplinas frente a outras, favorecendo uns equipos frente a outros, mantendo cargos, exercendo o enchufismo “por doquier”, as taxas abusivas das federacións, os prezos das entradas aos ximnasios,… Acaso alguén pensa que é unha boa xestión do deporte? Isto traerá consecuencias nas persoas de non favorecer á súa práctica: fomento do sedentarismo, enfermidades cardiovasculares, baixa autoestima, depresión, problemas para durmir, sensación de cansancio, problemas de relacións sociais, obesidade,…
A práctica do deporte non pode faltar nas nosas vidas e dende cativos haina que fomentar. É un deber da sociedade pra ter un futuro san.
A pesares deste uso diario, dende a Agrupación local de ANOVA Meaño comprobamos como tanto a propia fonte como o seu entorno atópanse bastante abandonados, faltos de limpeza e, por riba, carecen de determinados elementos que contribuirían a facilitar o acceso a mesma e recoller a auga en mellores condicións.
De feito podemos observar como nos seus arredores hai restos de lixo tirados (bolsas, botellas ou tapas…) e non existe nin unha soa papeleira ou contenedor para o lixo. Tampouco conta con ningún tipo de iluminación ou sinalización pública.
Finalmente queremos advertir da falta de pasamans nas escaleiras da propia fonte, cuestión que dificulta o acceso a mesma de persoas con problemas de accesibilidade (de feito xa ten caído algunha persoa ao esvarar nas escaleiras por estar molladas).
E por todo isto polo que dende ANOVA – Meaño diriximos un escrito ao Concello de Meaño para que se tomen medidas para correxir estas deficiencias. Concretamente solicitamos:
o Dotar de pasamans as escaleiras de acceso a Fonte.
o Proceder de xeito periódico a realizar unha limpeza da Fonte e do seu entorno
o Dotala de iluminación pública e sinalización visible
o Instalar no seu entorno algunha papeleira ou contenedor de lixo.
