3 dic 2013
ANOVA – MEAÑO SOLICITA O ACONDICIONAMENTO DA FONTE “DAS SEIS” E DO SEU ENTORNO.
Critican o seu abandono e falta de limpeza e solicitan a instalación dun pasamáns para as escaleiras de acceso, é a dotación de iluminación e papeleiras para o entorno.
A Fonte coñecida co nome “Das Seis” está situada no lugar de Ganón no linde entre as parroquias de Xil e Dena. Este manantial é un dos máis importantes de Meaño, sendo utilizado por moitos veciños, é incluso por persoas dos Concellos limítrofes para abastecerse de auga. As súas augas están calificadas como aptas para o uso nas analíticas que fai períodicamente o Concello de Meaño.
A pesares deste uso diario, dende a Agrupación local de ANOVA Meaño comprobamos como tanto a propia fonte como o seu entorno atópanse bastante abandonados, faltos de limpeza e, por riba, carecen de determinados elementos que contribuirían a facilitar o acceso a mesma e recoller a auga en mellores condicións.
De feito podemos observar como nos seus arredores hai restos de lixo tirados (bolsas, botellas ou tapas…) e non existe nin unha soa papeleira ou contenedor para o lixo. Tampouco conta con ningún tipo de iluminación ou sinalización pública.
Finalmente queremos advertir da falta de pasamans nas escaleiras da propia fonte, cuestión que dificulta o acceso a mesma de persoas con problemas de accesibilidade (de feito xa ten caído algunha persoa ao esvarar nas escaleiras por estar molladas).
E por todo isto polo que dende ANOVA – Meaño diriximos un escrito ao Concello de Meaño para que se tomen medidas para correxir estas deficiencias. Concretamente solicitamos:
o Dotar de pasamans as escaleiras de acceso a Fonte.
o Proceder de xeito periódico a realizar unha limpeza da Fonte e do seu entorno
o Dotala de iluminación pública e sinalización visible
o Instalar no seu entorno algunha papeleira ou contenedor de lixo.
Suscribirse a:
Entradas (Atom)