Todos os días podemos ver a través da prensa a situación pola que están a pasar moitos emigrantes retornados, aos que a Axencia Tributaria está notificándolles expedientes sancionadores reclamándolle cantidades pola non declaración das pensións percibidas polo traballo no extranxeiro. A cantidade crecente de plataformas de afectados que están xurdindo o longo de todo o país danos unha idea do alcance que esta collendo este asunto e tamén, do enorme grado de falta de información que hai por parte dos afectados e da cidadanía en xeral. Dende Anova rexeitamos o trato que Facenda está a ter con estas persoas, que o único que fixeron foi buscarse unha saída fora da súa terra e traballar para que agora, sen que ninguen os informase de ningunha obriga tributaria, os estean a tratar como “defraudadores”. Cun número de afectados que aumenta cada día, o conflito empeza a parecerse cada vez máis, en canto ao número, ao fraude das preferentes e obrigas subordinadas. Por iso teñen razón os afectados en demandar apoio e axuda das institucións e por iso dende ANOVA coidamos que o Concello de Meaño debe actuar xa. Diante das demandas dos afectados parece que as administracións empezan a adoptar algunha medida no seu favor,... Así, o parlamento galego acordou, por unanimidade de todos os grupos, unha proposición non de Lei pola que, entre outras cousas, instase a Xunta de Galicia a regularizar a situación dos emigrantes retornados sen consideralos defraudadores fiscais. Tamén, tendo en conta que na maioría dos casos nunca foran informados das súas obrigas, acordouse demandar a Facenda para que se habiliten períodos de pago “máis largos dos estipulados habitualmente”, que se exima do pago de sancións a aqueles que regularicen a súa situación fiscal, demandar que se revisen os convenios marco con outros países para evitar que estas situacións se repitan no futuro.
Dende Anova cremos que non é suficiente. Existen moitos casos diferentes, e de acordo coa información técnica da que se dispón, hai circunstancias e moitas situacións que poderían ter unha solución administrativa mais rápida e menos dramática. Por iso entendemos que o Concello debe implicarse e tentar axudar a resolver ou facilitar os trámites aos afectados. E tamén pensamos que a “burocracia” pode retrasar moito que o acordo tomado de “instar a Xunta a colaborar co Concello.....” se faga efectivo, chegando demasiado tarde para moitos casos afectados. Por estes motivos queremos solicitar do goberno local de Meaño que teña en consideración de habilitar, de xeito urxente e con carácter temporal, unha oficina de información no noso concello, para que todos as persoas afectadas poidan cando menos recibir información é, de haber solucións administrativas, saber cales son é como actuar ou a onde dirixirse. Para máis información e asesoramento: anovameanho@gmail.com
EN PORTONOVO (SANXENXO):
